Furio, Solielyn F. and Tibayan, Pamela Katrina Magdalene F. (2014) Larawan ng katatagang-loob ng pamilyang walang maayos na tirahan sa Mehan Garden. Undergraduate thesis, De La Salle University-Dasmarinas.

	Text (Theses) FurioTibayan ... - MehanGarden.pdf Restricted to Registered users only Download (4MB)
	Text PSY 1147 2014.pdf Download (114kB)

Abstract

Ang pag-aaral na ito ay naglalarawan sa katatagang-loob ng mga pamilyang walang maayos na tirahan sa Mehan Garden. Kinapapalooban ang pag-aaral na ito ng walong pamilyang nakatira sa lansangan ng kamaynilaan partikular sa lugar na Mehan Garden. Mula sa nakalap na mga datos, ang mga kalahok na pamilya ay nasa edad 23-45 taong gulang, ang mga magulang na nagsasama sa loob ng 5-20 na taon at naninirahan sa lansangan bilang mag-asawa sa loob ng 5-16 na taon. Karamihan sa mga kalahok na natagpuan ng mga mananaliksik ay sa lansangan na nagkakilala at bumuo ng pamilya. Para sa mga anak na kalahok na may edad 5-9 na taong gulang ay ginamitan ng pagsusulit sa pamamagitan ng pagguhit ng bahay, puno, at tao (HTP Test) upang malaman ang kanilang persepsyon tungkol sa tirahan. Masasabi na karamihan sa mga kalahok na pamilyang nakatira sa lansangan ay mayroong maayos na kalagayan sa kabila ng pagtira sa lansangan dahil naroon ang physiological at economic needs ng bawat pamilya na mas pinili ng pamilya na manirahan sa lansangan upang makatipid sa mga gastusin sapagkat wala silang sapat na kita upang ipambayad sa maayos na tirahan, dahil sa lansangan nakita ang maaliwalas na pamumuhay sapagkat naroon ang kanilang pagkakakitaan. Para sa mga kalahok na batang anak, nagpakita na mataas na lebel nang kawalang-konteto sa kanilang bahay na tinitirahan sa kasalukuyan at pagkakaroon ng mataas na hangarin ngunit mababa ang lebel ng enerhiya, ito ay pinatunayan na lumabas batay sa resulta ng pagguhit ng bahay, puno at tao (HTP) De La Salle University – Dasmariñas Lumutang na ang larawan ng katatagan ng mga pamilyang walang maayos na tirahan ay mayroong dalawang aspekto: ang pagkakaroon ng masaya at buong pamilya sa kabila ng hirap ng buhay sa lansangan at pagkakaroon ng pananampalataya sa Diyos. Ang katatagang-loob ng mga pamilyang ito ay nagmumula sa sariling pamilya. Napatatatag nito ang pamilya sa kabila ng kahirapang mamuhay sa lansangan at walang maayos na tirahan. Malaking tulong rin ang mga suliraning dumating sa bawat pamilya upang mas maging matatag at may takot sa Diyos. Ang pagkakaroon ng pananampalataya sa Poong Maykapal at pagiging relihiyoso ng indibidwal ay nakatutulong upang harapin ang mga pagsubok sa buhay at sama-sama na may tiwala sa Diyos, na ang bawat pamilya ay naniniwalang aahong muli sa hamon ng pang-araw-araw na buhay. Masasabi na ang mga pamilyang walang maayos na tirahan sa Mehan Garden ay naglalarawan ng katatagang-loob upang makabangon sa hirap ng buhay sa lansangan nang may pagmamahalan sa pamilya at takot sa Diyos.

Item Type:	Thesis (Undergraduate)
Additional Information:	PSY 1147 2014
Subjects:	B Philosophy. Psychology. Religion > BF Psychology H Social Sciences > HT Communities. Classes. Races
Depositing User:	Users 4 not found.
Date Deposited:	12 Nov 2015 06:31
Last Modified:	02 Jun 2021 02:39
URI:	https://thesis.dlsud.edu.ph/id/eprint/102

Actions (login required)

View Item